Latest Posts

• Cynllun treialu i gefnogi cymunedau lleiafrifol yn y celfyddydau yng Nghymru.
  Dec 02, 2024

  ---

• People Speak Up ag ail leoliad yng Nghaerfyrddin.
  Dec 02, 2024

  ---

• Gwirfoddolwr lleol wedi'i ysbrydoli i weithredu a chodi arian i helpu pobl sy'n byw gyda Dementia
  Oct 01, 2024

  ---

• Gwobrau Busnes Cymdeithasol Cymru
  Sep 18, 2024

  ---

• Plant y Ddwy Ddraig.
  Aug 15, 2024

  ---

Plant y Ddwy Ddraig.

Posted on Aug 15, 2024
Comments (0)

Mae Academi Newyddiadurwyr Ifanc Cymdeithas Newyddiadurwyr a Llenorion Pwylaidd Cymru yn ddeialog sy’n yn cwrdd yn Ffwrnes Fach, cartref People Speak Up, canolfan celfyddyd iechyd a lles Llanelli, bob nos Iau. Er bod llawer o aelodau CNLPC DIALOG wedi'u lleoli yn Llanelli, mae'r gymdeithas hefyd yn gweithio gyda llenorion Pwylaidd trwy Gymru gyfan.

Mae nod CNLPC DIALOG yn syml: dathlu iaith, diwylliant a hanes Gwlad Pwyl a chreu delwedd gadarnhaol o bobl Bwylaidd sy'n byw yn yr ardal.

Mae'r genhadaeth hon yn ymestyn i'r bobl ifanc sy'n ymwneud â'r grŵp. Trwy eu sesiynau nos Iau, ma nhw’n dysgu mwy am eu hiaith a'u diwylliant tra'n ennill sgiliau a phrofiad gwerthfawr wrth gyhoeddi eu gwaith.

Dywed Cyfarwyddydd Artistig PSU, Eleanor Shaw: ‘Mae People Speak Up yn cefnogi'n llwyr y gwaith ysbrydoledig y mae Paulina ac Angnieska yn ei wneud ar gyfer eu cymuned a'u diwylliant yn Llanelli. Rydyn ni'n darparu'r gofod ac maen nhw'n rhedeg gydag e, gan gynnal gweithdai a chreu llyfrgell Bwylaidd am ddim! Ni hefyd yn siarad am greu mwy o ddigwyddiadau llenyddol yn Bwylaidd ar gyfer yr Hydref!’

Fe wnes i gyfarfod a Agnieszka Raduj-Turko, Paulina Czubatka, ac aelodau eraill grŵp CNLPC DIALOG i ddysgu mwy am eu gwaith.

Cymdeithas Deialog Newyddiadurwyr a Llenorion Pwylaidd Cymru.

Wedi'i sefydlu yn 2006, mae CNLPC DIALOG bellach yn rhannu ei chartref gyda People Speak Up. Mae'r grŵp yn cynnwys rhwydwaith o lenorion Pwylaidd yng Nghymru sydd â diddordeb mewn cynnal y cysylltiadau rhwng eu cartref gwreiddiol yng Ngwlad Pwyl a'u cartref newydd yng Nghymru.

Ers 2010, mae'r sefydliad wedi cyhoeddi Cylchgrawn Dialog, a ddechreuodd gan Agnieszka Raduj-Turko. Mae'n cynnwys erthyglau a cherddi yn dathlu gwreiddiau Pwylaidd a bywyd yng Nghymru. Mae'r rhifyn arbennig diweddar yn cynnwys hanes Cymdeithas Newyddiadurwyr a Llenorion Pwylaidd yng Nghymru.

Rhifyn diweddara Cylchgrawn Deialog.

Yn 2013, dechreuodd y grŵp Clwb Darllenwyr Bach, yn cwrdd yn rheolaidd yn y llyfrgell i ymgyfarwyddo plant ifanc â'r iaith a thraddodiadau Pwylaidd.

Er bod adeiladu cysylltiadau â diwylliant Cymru a'r DU yn bwysig i'r gymuned Bwylaidd yn Llanelli, mae'n naturiol cadw diddordeb a bod eisiau aros mewn cysylltiad â'u mamwlad. Fodd bynnag, gall cael llyfrau Pwylaidd i'r DU ddod yn gostus.

Dros y blynyddoedd, mae'r grŵp wedi casglu nifer o lyfrau Pwylaidd ac wedi creu llyfrgell gymdeithasol. Cedwir llawer o'r llyfrau o fewn cartrefi aelodau a'u cyfnewid pryd bynnag y bo angen, tra cedwir detholiad bach yn Ffwrnes Fach.

Ers rhyfel Wcráin yn 2022, mae CNLPC a Grŵp Cymuned Pwylaidd RAZEM wedi bod yn casglu ar gyfer ffoaduriaid.

Plant y Ddwy Ddraig

Un elfen o waith CNLPC DIALOG yw gyda phlant iau a phobl ifanc yn eu harddegau. Mae plant rhieni Pwylaidd sy'n tyfu i fyny yng Nghymru yn cael eu hamlygu i agweddau o ddiwylliannau Cymreig, Prydeinig a Phwylaidd. Yn yr ysgol, maent yn cael eu haddysgu yn Saesneg, yn dysgu Cymraeg, ac yn naturiol yn ffurfio cyfeillgarwch â phlant o gefndiroedd eraill.

Cymaint ag y mae Cymru yn gartref, mae'n bwysig i blant ddeall eu treftadaeth. Ma nhw’n blant yn blant y ddwy ddraig: Y Ddraig Goch a Draig Wawel Pwylaidd.

Gyda chefnogaeth aelodau CNLPC DIALOG, mae pobl ifanc yn dysgu straeon anes Gwlad Pwyl, fel sut effeithiodd yr Ail Ryfel Byd ar y wlad a'u hynafiaid.

Mae'r Academi Newyddiadurwyr Ifanc yn gyfle i'w haelodau Nadia, Aleksandra, Marysia, Fryderyk, Viktor, Michał, Leon, Maksymilian, ac Amelia ddatblygu eu sgiliau ysgrifennu a bod yn greadigol.

Mae cylchgrawn DIALOG CNLPC yn cynnwys rhifyn iau wedi'i ysgrifennu gan aelodau'r Academi. Mae hyn yn rhoi cyfle i'r awduron ifanc siarad am eu hangerdd. Mae'r rhifyn diweddar yn cynnwys erthyglau amrywiol ar bynciau gan gynnwys y cysylltiad rhwng yr awdur a theithiwr Pwylaidd Arkady Fiedler a hen-deidiau a neiniau Fryderyk, Taylor Swift, gemau fideo, gwiwerod hedfan, Bwyd Pwylaidd, Lego a pizza!

[Llun: Rhifyn diweddaraf o Gylchgrawn DIALOG allan nawr ac yn cynnwys DIALOG Magazine Junior.]

Antholeg Beirdd Pwylaidd yng Nghymru

Dros y flwyddyn ddiwethaf, mae CNLPC hefyd wedi bod yn gweithio i lunio'r antholeg farddoniaeth gyntaf ar gyfer llenorion Pwylaidd sy'n byw yng Nghymru.

Mae'r antholeg, sydd i'w chyhoeddi'n fuan, hefyd yn cynnwys cyflwyniadau gan AS Llanelli, Nia Griffiths, sydd wedi cefnogi'r sefydliad o'r blaen, a'r bardd, traethodydd a chyfieithydd Pwylaidd enwog Adam Czerniawski, a fu farw eleni.

Ni roddwyd thema i feirdd a gyflwynodd i'r antholeg; yn lle hynny, dangoswyd amrywiaeth a chreadigrwydd llenorion Pwylaidd. Yn ogystal, nid oedd cyfyngiadau ar iaith, gan agor y posibilrwydd o rannu cerddi Saesneg a Chymraeg.

[Llun: Antholeg o Farddoniaeth Pwylaidd yng Nghymru]

Hanes Sgwadron 316.

Yn ystod yr Ail Ryfel Byd, roedd nifer o awyrenwyr Pwylaidd wedi'u lleoli yn RAF Pembre. Roedd llawer o'r awyrenwyr hyn yn rhan o'r 316fed Sgwadron "Warsaw". Treuliodd sgwadronau eraill, fel y 307fed Sgwadron Ymladd Nos "Gwdihŵod Lviv", amser ym Mhembre hefyd.

 Collodd saith awyrenwr Pwylaidd eu bywydau tra'n gwasanaethu ym Mhembre. Maent wedi'u claddu ym Mynwent Pembre.

Mae Cymdeithas Newyddiadurwyr a Llenorion Pwylaidd yng Nghymru yn parhau i ymchwilio a dogfennu'r cysylltiadau rhwng milwyr Pwylaidd a'r gymuned leol. Nod y prosiect yw coffáu arwyr Pwylaidd.

Ynghyd â Grŵp Cymuned Pwylaidd RAZEM, CNLPC DIALOG, codwyd arian yn ystod pen-blwydd 80 D-Day i greu plac coffa wedi'i neilltuo i goffadwriaeth yr awyrenwyr Pwylaidd sydd wedi'u claddu ym Mhembre. Roedd yr ymgyrch codi arian yn llwyddiant mawr a chodwyd yr holl arian angenrheidiol a mwy!

Bydd y gofeb yn cael ei gosod yng nghanol Llanelli ym mis Tachwedd 2024. Mae Cymdeithas Newyddiadurwyr a Llenorion Pwylaidd yng Nghymru yn parhau i ymchwilio a dogfennu'r cysylltiadau rhwng milwyr Pwylaidd a'r ardal leol. Mae'r prosiect parhaus hwn yn cofio'r awyrenwyr hyn.

Ewch i Reach For The Sky - Cofeb Rhyfel Pwylaidd Llanelli i ddysgu mwy.

Os ydych chi eisiau darganfod mwy am Gymdeithas Newyddiadurwyr a Llenorion Pwylaidd yng Nghymru Dialog, gallwch ymweld â'u gwefan yma, codi copi o Gylchgrawn Dialog, neu e-bostio polishjournalismwales@gmail.com.