Sadwrn Siarad y Gair

Ymunwch â'r gwesteiwyr Ceri John Phillips a David Pitt am brynhawn o rannu straeon, barddoniaeth, ysgrifennu creadigol - i gyd trwy'r Gair Llafar! Gwesteion arbennig a gofod diogel i'n cymuned rannu (5 munud max) 

Dim barnu, dim egoau. Dim ond eistedd yn ôl, mwynhau paned a gwrando! 

AM DDIM. Croesewir rhoddion ar gyfer Diodydd a Lluniaeth Ysgafn

Gwesteion pob mis a cyfle agored i siarad lan yn ein cymuned. 

Os hoffech gadw un o’r rhain rhowch wybod i ni. Gofynnwch i chi gadw eich darnau hyd at 5 munud ar y mwyaf, neu yn fyrrach fel y gallwn gael cymaint o rannu a phosibl.

I archebu'ch lle: info@peoplespeakup.co.uk neu ffoniwch 01554 292393  

8 Mawrth 2-5pm gyda Chandrika Joshi 

Ein chwedleuwraig ac awdur gwadd y mis nesaf yw Chandrika Joshi.

Mae Chandrika Joshi yn Offeiriad Hindŵ, chwedleuwraig ac awdur. Daw o deulu o Kathakariaid proffesiynol, sy’n adrodd straeon o’r Itihas a’r Purana. Tyfodd yn gwrando ar straeon gan ei rhieni. Roedd ei thad yn offeiriad a Kathakar. Ond straeon ei mam oedd orau ganddi. Straeon yr oedd ei nain wedi eu trosglwyddo i’w mam. Straeon â menywod cryf a rhyfeddol yn arwresau ynddyn nhw. Mae Chandrika wedi perfformio mewn gwyliau a digwyddiadau eraill ac mae’n helpu i redeg cylch chwedleua Caerdydd.

14 Mehefin, 2-5pm gyda Daniel Morden

Bydd y Chwedleuwr adnabyddus Daniel Morden yn ymuno â ni yn Sadwrn Llafar People Speak Up, ond yn wahanol. Bydd yn symud oddi wrth ei ddull arferol o chwedleua ac yn rhannu rhywbeth mwy personol.

Yn ei sgwrs, The Story Cure, bydd Daniel Morden yn trafod ei iechyd yn ddiweddar. Yn 2015 derbyniodd Daniel ddiagnosis o ganser prin yn ei ên. Yn ystod ei driniaeth fe ddaeth o hyd i chwedlau traddodiadol oedd yn cynnwys problemau tebyg i’w rai ei hun, a’i harweiniodd i sylweddoli bod chwedleua yn weithgaredd dynol sylfaenol.

Mae ei holl waith ers hynny wedi ei seilio ar ei brofiadau o fynd trwy salwch a llesgedd. Bydd yn trafod sut y mae’r profiadau hyn wedi ffurfio ei waith diweddar a’n perthynas â stori yn fwy eang. Bydd yn adrodd storïau ac yn sôn am eu gwerth.

13 Medi, 2-5pm gyda Christina Thatcher

Rydym yn falch iawn o gael y bardd a’r awdur Christina Thatcher yn y Sadwrn Llafar.

Tyfodd Christina rhwng fferm a thŷ ransh yn Bucks County, Pennsylvania. Enillodd Ysgoloriaeth Marshall i ddilyn dau gwrs MA yn y Deyrnas Unedig, ac yna cwblhaodd PhD mewn Ysgrifennu Creadigol a Beirniadol ym Mhrifysgol Caerdydd, lle mae’n ddarlithydd

yn awr. Cyhoeddwyd ei barddoniaeth a’i storïau byrion yn eang mewn cylchgronau llenyddol, gan gynnwys Ambit, Butcher’s Dog, Magma, Poetry Wales, The North, The Poetry Review a mwy. Cyhoeddodd ddwy flodeugerdd gyda Parthian Books: More than you were (2017) a How to Carry Fire (2020). Teithiodd Christina yn rhyngwladol, gan ddarllen ei gwaith yn y Deyrnas Unedig, UDA, Canada, Costa Rica, Y Swistir a Rwmania. christinathatcher.com / @writetoempower.

Bydd Christina yn rhannu geiriau a cherddi ac yn trafod ei gwaith diweddar Breaking a Mare sy’n ymchwilio i dawelwch, daioni a genethdod. Mae’n gwahodd darllenwyr i’r sgubor, y felin llwch lli, y cylch rodeo. Mae’r cerddi yma’n trafod y gwaith caled a wna menywod ar ffermydd, colli tirweddau gwledig a’r rhan y gall marwolaeth ei chwarae yn y mannau hyn. Maent yn gofyn beth mae’n ei olygu i fod yn dda yn wyneb bygythiad corfforol, emosiynol ac ecolegol. Yn y pen draw mae’r cerddi yma eisiau gwybod beth sy’n ein torri ni a beth sy’n ein gwneud yn gryfach.

13 Rhagfyr, 2-5pm - Danny Sioned

Y mis Rhagfyr hwn bydd y gantores ac awdur Danny Sioned yn ymuno â ni ar gyfer Sadwrn Llafar Gaeafol. Daw’n wreiddiol o fynyddoedd y Preseli a gallwch ddisgwyl clywed cymysgedd o ganeuon gwerin gwreiddiol a thraddodiadol yn Gymraeg a Saesneg.