.png)
Pwy yw Pwy
"Fe wnes i greu People Speak Up yn 2017, pan oeddwn ar daith o ailadeiladu, chwilio a deall fy niben. Fe wnes i ddarganfod grym chwedleua hunangofiannol a thraddodiadol, ac fe wnaeth y broses hon fy helpu i edrych ar fy stori a gwneud synnwyr o’m bywyd. Mae People Speak Up wedi datblygu’n gyfrwng i arwain mwy o bobl ar y daith hon. Pan fyddwch chi’n rhoi pobl debyg sydd ar daith debyg gyda’i gilydd mewn un lle – mae’r hud yn dechrau digwydd. Pan fydd pobl yn dechrau codi eu llais, maen nhw’n cysylltu, dysgu a dechrau teimlo’n ddynol eto. Diolch i’n holl bobl greadigol sy’n dwyn eu ffurfiau celfyddydol eu hunain a’u pecynnau offer i’n cymuned ddod o hyd i’w llais."
Eleanor Shaw,
Sylfaenydd a phrif weithredwr
-
Ein Staff
Eleanor Shaw
Sylfaenydd a phrif weithredwr
Cychwynnodd ei gyrfa fel ymarferwr celfyddydau cymunedol, gan weithio’n genedlaethol a rhyngwladol. Am 15 mlynedd bu’n gweithio yn y sector addysg bellach ym maes Celfyddydau Perfformio, a’i dyhead bob amser oedd cefnogi’r lleisiau anghofiedig hynny yn y gymuned a chreu cyfleoedd yn y diwydiannau creadigol iddi hi ei hun i ddatblygu ymhellach fel artist creadigol ac i’w myfyrwyr. Yn 2013 fe welodd rym chwedleua hunangofiannol yn ystod cyfnod anodd yn ei bywyd, yn ystod y cyfnod hwnnw, newidiodd gyfeiriad yn bersonol a phroffesiynol a dod yn rhan eto o gelfyddyd gymunedol. Cenhadaeth Eleanor yw datblygu a chynyddu amrywiaeth People Speak Up, gan weithio gyda phobl a sefydliadau eraill â gwerthoedd tebyg, cefnogi mentrau cymdeithasol eraill sy’n dechrau, eiriol dros gelfyddydau ac iechyd a chefnogi’r lleisiau anghofiedig hynny trwy gasglu storïau a’u hadrodd.
Kate Williams
Cefnogaeth Busnes a Chodi Arian
Fe wnaeth Kate hyfforddi i fod yn gerddor. Mae’n chwarae’r clarinet, saxophone a’r piano. Ond erbyn hyn mae’n dueddol o gadw at ddysgu ei hun i chwarae’r ukulele.
Wedi gweithio yn y celfyddydau am 20 mlynedd, mae Kate wedi symud o gwmps y DU, gan weithio mewn sawl lleoliad fel rhaglennydd a rheolwr masnachol a gwerthiant. Mae wedi cynnal cynllun gwledig teithiol a mae nawr yn Rheolwr Cyffredinol Theatr Na Nog, wedi ei leoli yng Nghastell Nedd.
http://linkedin.com/in/katemariewilliams
Carys Phillips
Cydlynydd Prosiect YPSU
Graddiodd Carys o gwrs BA Drama Cymhwysol PCYDDS yn 2019. Tra’n gwneud ei chwrs, dechreuodd wirfoddoli gyda PSU. Roedd hyn wedi cynyddu ei diddordeb mewn defnyddio creadigrwydd ar gyfer llesiant. Dechreuodd weithio gyda PSU wedyn ac ar hyn o bryd hi yw hwylusydd prosiect llwyddianus Ieuenctid People Speak Up.
Donna Lee Lewis
Gweinyddydd
Weirdo chwilfrydig. Handi o gwtshlyd. Cwicsotig. Darllen drwy’r amser. Tueddu at y doniol. Taniwyd gan caffeine. Gallu chwarae’n dda gydag eraill.
Kris Grogan
Hwylysydd
Cysylltiad cynta Kris gyda PSU oedd cymryd rhan mewn prosiect ac mae sawl cam in i’w daith ers hynny – o gymryd rhan, i wirfoddolwr i hwylysydd. Hefyd, graddiodd yn 2022, gyda BA Drama Cymhwysedig o PCYDDS. Mae’n angerddol ynglŷn â’i ganu a’r Gwaith mae nawr yn ei wneud.
Steffan Thomas
Hwylusydd
Dechreuodd Steffan ei daith gyda PSU fel cyfranogwr yn y rhaglen Pnawn Arty. Wedi gwneud rhywfaint o waith gwirfoddol gyda PSU, pan ddaeth swydd ar gael i ymuno â'r tîm fel Hwylusydd Iaith Gymraeg fe ymgeisiodd ac fe lwyddodd i gael y swydd. Mae gan Steffan radd mewn Celfyddyd Gain o Brifysgol Aberystwyth ac mae'n mwynhau chwarae cerddoriaeth a darllen comics yn ei amser hamdden.
Suzanne Carter
Rheolwr Marchnata Llawrydd
Mae Suzanne wedi bod yn gweithio ym meysydd marchnata celfyddydau, diwylliant a digwyddiadau ers dros 20 mlynedd.
Yn gyn-ohebydd newyddion a chyflwynydd ar orsafoedd radio yn ne Cymru, cafodd ei blas cyntaf ar farchnata tra'n gweithio yn The Wave a Swansea Sound yn y 00au cynnar.
Mae hi wedi gweithio gydag awdurdodau lleol, sefydliadau annibynnol, elusennol a diwylliannol gan gynnwys CBS Castell-nedd Port Talbot, CBS Blaenau Gwent, Theatr Sherman a Chwmni Dawns Cenedlaethol Cymru. Fel gweithiwr llawrydd mae hi'n cefnogi PSU gyda throsolwg strategol o bopeth sy'n ymwneud â chyfathrebu ac yn helpu'r tîm i gynyddu ymwybyddiaeth o'r gwaith anhygoel y mae'r tîm yn ei wneud wythnos ar ôl wythnos.
Charley Piercey
Gweinyddol
Mae Charlie wedi bod yn gweithio yn y diwydiant cerddoriaeth am dros 15 mlynedd. Fel cerddor a chyfansoddwr mae wedi teithio'r DU ac Ewrop gyda llawer o artistiaid gwahanol ac wedi ysgrifennu cerddoriaeth ar gyfer teledu a chyfryngau eraill ar draws sawl genre. Gyda chefndir pellach mewn gweinyddu'r celfyddydau, mae Charlie bellach yn goruchwylio dyletswyddau gweinyddol ar gyfer PSU yn ogystal â gweithredu fel PA i'r cyfarwyddydd Eleanor Shaw.
Cerys Williams
Cydlynydd Gwirfoddolwyr a Gardd Gymunedol
Cerys yw ein Cydlynydd Gwirfoddolwyr a Gardd Gymunedol newydd. Bydd hi'n helpu ein gardd i dyfu ac yn gofalu am ein gwirfoddolwyr.
Mae gan Cerys BA(Anrh) mewn Cerflunwaith Celfyddyd Gain a thystysgrif addysg uwch mewn Gwyddorau Biolegol.
Mae hi'n angerddol am fywyd gwyllt, ac effaith mannau gwyrdd ar iechyd a lles. Gyda gardd ffyniannus ei hun, mae ei bawd gwyrdd yn ychwanegiad gwych i'n tîm yma yn PSU.
Alun Gibbard
Y Cyfryngau a’r Iaith Gymraeg
Mae Alun Gibbard yn awdur a darlledwr gwobrwyedig. Mae wedi cyhoeddi 37 o lyfrau ffeithiol-greadigol ac un nofel. Gweithiodd ym myd darlledu cyn troi at sgrifennu. Wedi ei addysgu yn Llanelli, mae nawr yn byw yng Nghaerdydd. Mae’n angerddol dros yr iaith Gymraeg ac yn anelu at Gymru ddwy-ieithog.
-
Ymddiriedolwyr
Summar Ackery
Ymddiriedolwr
Mae Summar yn gynorthwydd asiantaeth, yn gweithio gyda sawl prosiect yn Sir Gar. ‘Dw i’n gwneud y gwaith yma am fy mod am roi help i’r bobl sydd ei angen fwya. Dw i ar Fwrdd PSU am fy mod yn dwli ar y gweithgaredd cymunedol sydd wedi, ac sy’n dal, i ddod o’r prosiect yma. Dw i’n credu’n gryf bod un rhyw ffordd o fynegu creadigol yn help aruthrol i iechyd pobl o bob oedran a chefndir.’
Jackie Davies
Ymddiriedolwr
Mae Jackie yn nyrs iechyd meddwl ac am 30 mlynedd mae wedi gweithio gyda throseddwyr a chleifion mewn ysbytai diogel.
Mae Jackie bellach yn gweithio gyda'r Coleg Nyrsio Brenhinol yn cynrychioli nyrsys ac yn eiriol dros y proffesiwn nyrsio.
Mae Jackie yn Aelod Bwrdd Annibynnol gyda Bwrdd Iechyd Prifysgol Bae Abertawe,
Cadeirydd Bwrdd Coleg Nyrsio Brenhinol Cymru a Chadeirydd Rhwydwaith Rhanbarthol Rhoi Organau De Cymru.
Stuart Harries
Ymddiriedolwr
Mae Stuart yn Gyfarwyddwr mewn cwmni cyfrifyddiaeth yn Abertawe o'r enw Carr, Jenkins & Hood. Mae wedi bod yn berchen ar ac yn rhedeg practisau yng Nghymru'r De am y 25 mlynedd diwethaf, gan weithredu fel archwilydd ac arholwr annibynnol i lawer o sefydliadau elusennol. Gall y sgiliau hyn, ynghyd â chraffter masnachol, gyfrannu at helpu People Speak Up ar ei thaith barhaus.
Ioan Hefin
Ymddiriedolwyr
Mae Ioan wedi bod yn actor hunan-gyflogedig ers dros 35 mlynedd. Mae wrth ei fodd i weld y tyfiant ymhlith unigolion a chwmniau creadigol yng Ngorllewin Cymru. ‘Mae People Speak Up ar flaen y gad yn y tyfiant hwnnw a mae nhw wedi gwreiddio ei hunain yn gadarn yn y tirwedd creadigol lleol. Ry’ch chi hefyd yn ca’l y teimlad bod cymaint mwy i ddod – ac ma’ hynny’n ein bywhau heb os.’
Abbie Hudson
Ymddiriedolwr
Mae Abbie yn gweithio o fewn tîm Recriwtio Coleg Sir Gâr a Choleg Ceredigion, sefydliad addysg bellach ac uwch gyda champysau yn Sir Gaerfyrddin a Cheredigion. Fel rhan o'i rôl ar y Bwrdd, mae hi'n rhoi cefnogaeth mewn materion AD a gweithlu. Wedi'i magu ar hyd ei hoes yn Llanelli, dywedodd ei bod yn 'bleser ac yn fraint bod yn rhan o genhadaeth PSU a gwylio sut maen nhw'n cysylltu pobl angerddol o fewn y gymuned ac yn darparu cyfleoedd ar gyfer creadigrwydd i unrhyw un a phawb.'
Carole Ann Smith
Cyfarwyddydd
Mae Carole Ann a fu farw yn drist ym mis Mehefin 2024 a bydd yn cael ei chofio am ei hymroddiad a'i hangerdd i'r gymuned ysgrifennu.
Roedd Carole Ann yn ysgrifennu straeon byrion a barddoniaeth, yn ogystal ag erthyglau ar hanes lleol. Cafodd gwaith wedi'i gyhoeddi mewn nifer o gyfnodolion a chylchgronau llenyddol. Hi oedd ysgrifennydd sylfaenol Cylch Ysgrifenwyr Llanelli a chafodd ei phenodi'n olygydd y cylchgrawn blynyddol Amrywiaeth Llanelli Miscellany, yn 2011, gan Gangen Llanelli o'r WEA (Cangen o Addysg Oedolion Cymru / Adult Learning Wales).
.jpg)
Mark Montinaro
Cyfarwyddydd
(Bu farw Mark yn Awst 2019. Caiff ei gofio am yr holl waith anhygoel a wnaeth trosom ni a Chymuned y gair llafar)
Cafodd Mark ei hyfforddi fel actor clasurol ac fe wnaeth bron popeth – o’r West End, theatre stryd a chelf perfformiadol. Mae’n byw yn nhalacharn lle mae’n rhannu ei amser rhwng ei ddau brif hoffder – garddio a pherfformio. Mae’n gyfranwr cyson i ddigwyddiadau Gair Llafar Gorllewin Cymru ac yn gefnogwr brwd o amcanion a bwriadau People Speak Up.
-
Tîm Creadigol
Bill Taylor Beales
Mae Bill wedi bod yn gweithredu fel gweithiwr creadigol yn gymdeithasol am 40 mlynedd, mewn ysgolion ac mewn ysbytai, carchardai a lleoliadau cymunedol hefyd.
Mae Bill yn angerddol am rym creadigrwydd i drawsnewid unigolion a chymunedau a'r potensial iacháu o'r celfyddydau mynegiadol.Artist Ar Bresgripsiwn - Cydweithiwr Celfyddydau CCC
Gwneud Ffilmiau - Animeiddio - Cerddoriaeth - Cyfansoddi Caneuon - Celf Weledol 2D a 3D - Ysgrifennu Creadigol - Drama - Adrodd Straeon
Rachael Barry
Mae Ray yn artist cymunedol cyfrwng cymysg gydag angerdd am grefftau helyg. Mae hi'n dwlu ysbrydoli pobl i ddefnyddio deunyddiau bob dydd i greu pethau rhyfeddol, yn enwedig i ddod â chymunedau at ei gilydd trwy ei gweithdai
Natalie Ann Holborow
Yr awdur Natalie Ann Holborow yw enillydd Gwobr Terry Hetherington 2015 ac mae ar rhestr fer ar gyfer Gwobr Bridport, y Gystadleuaeth Barddoniaeth Genedlaethol, Gwobr Hippocrates ar gyfer Barddoniaeth a Meddygaeth, a Gwobr Gair Llafar Cursed Murphy ymhlith eraill. Mae ei phreswylfeydd creadigol dros y blynyddoedd wedi ei gweld yn ysgrifennu a pherfformio barddoniaeth yng Nghymru, Iwerddon, Sweden a'r India. Hi yw awdur y casgliadau barddoniaeth And Suddenly You Find Yourself, Small a Little Universe. Mae Natalie yn byw yn Abertawe, yn noddwr balch o elusen leol The Leon Heart - ac ni ddylid ei gadael heb oruchwyliaeth yn Waterstones oni bai ei bod yng nghwmni oedolyn cyfrifol!
Rufus Mufasa
Bardd ar Bresgripsiwn
Mae Rufus yn artist cyfranogol arloesol, actifydd llenyddol, bardd, rapiwr, cantores-gyfansoddwraig, crëwr theatre ac yn ola, ond yn bell o fod y lleia pwysog, mae’n fam. Mae’n Gymrawd Barbican a bardd preswyl cynta Deddf Llesiant Cenedlaethau’r Dyfodol. Mae hefyd yn gweithio’n rhyngwladol ac wedi cael cyfnodau preswyl yng Ngwyl Llenyddol y Gelli, Sweden, Y Ffindir, Indonesia a Zimbabwe. Yn Hull, roedd yn fardd preswyl '19 artists in conjunction with BBC Contains Strong Language’ gyda Cymdeithas Brydeinig y Gweithwyr Cymdeithasol yn 2020. Mae Rufus wedi magu gwytnwch personnol aruthrol trwy ei chreadigrwydd ac mae’n gweithio gyda’n cymunedau i ddatblygu barddoniaeth fel tonig, er mwyn i iachau fel unigolion ac fel cymuned.
Ceri John Phillips
Mae Ceri John Phillips yn storïwr a Chyfarwydd dros Fro Dinefwr - mae wedi bod yn actor, digrifwr ac awdur yn y gorffennol, yn gweithio i S4C, BBC, ITV mewn ffilmiau, sioeau teledu ac ar lwyfan. Mae meysydd ei diddordeb yn cynnwys mytholeg Gymreig, treftadaeth a llên gwerin.
David Pitt
Arlunydd Cyswllt
Mae David Pitt yn arlunydd sain, cerddor, crëwr ac adroddwr straeon sy’n buw yn Abertawe. Ar hyn o bryd mae’n ymarferydd creadigol i Gynllun Ysgolion Creadigol Arweiniol Cyngor Celfyddydau Cymru.
-
Bydd yn Wirfoddolwr
A oes gennych amser sbâr i helpu ein cymuned?Mae gennym dîm o wirfoddolwyr brwdfrydig sy'n helpu allan yn hwb PSU yn Llanelli ac yn ein cymuned.Mae People Speak Up yn dîm cyfeillgar, croesawgar, sy'n caru creu, gwneud a'r pwysicaf oll, cysylltu gyda’n cymuned.Os ydych yn angerddol dros eich cymuned, cysylltu â phobl, y celfyddydau, creadigrwydd a rhoi rhywfaint o'ch amser i helpu eraill, byddem wrth ein bodd yn clywed gennych.Os hoffech wirfoddoli, cysylltwch ar e-bost info@peoplespeakup.co.ukRhaid i chi fod yn 16+ oed i fod yn wirfoddolwr
.jpg)
