Gwasanaeth Creadigol yn y Cartref
Gwasanaeth celfyddyd a iechyd i bobl hŷn ar draws Sir Gaerfyrddin. Ni’n cymryd atgyfeiriadau gan ein partneriaid yn Cysylltu Sir Gaerfyrddin ac yn eu paru gyda hwyluso proffesiynol PSU ac artist. Mewn partneriaeth â Chyngor Sir Caerfyrddin, prosiect Cysylltu Sir Gaerfyrddin ac wedi'i ariannu gan Gyngor Celfyddydau Cymru.
Yn 2023 cawsom ein comisiynu gan Gyngor Bwrdeistref Sirol Sir Gaerfyrddin a Bwrdd Iechyd Prifysgol Hywel Dda i redeg peilot Gwasanaeth Creadigol yn y Cartref, gwasanaeth cyflenwi celfyddyd a iechyd yn eu cartrefi i bobl hŷn sy'n byw yn Sir Gaerfyrddin ac sy'n teimlo'n unig ac yn ynysig yn ystod misoedd yr hydref a'r gaeaf.
Nod y prosiect oedd gwella iechyd meddwl a lles a lleihau unigrwydd ac ynysu trwy ddarparu gweithgareddau creadigol yn y cartref a chyda grwpiau mewn cartrefi gofal ar draws Sir Gaerfyrddin.
Ar draws yr hydref ymgysylltodd ein hwyluso ac artistiaid llawrydd â 48 o unigolion gartref neu mewn cyfleuster cartref gofal, a gwnaethom gyflenwi dros 500 o sesiynau yn hydref a gaeaf 2023.
Comisiynwyd Dave Horton i werthuso effaith y Gwasanaeth Creadigol yn y Cartref. Dyma rai o'r canfyddiadau allweddol:
Iechyd meddwl a lles
Dywedodd y cyfranogwyr fod eu hiechyd meddwl a'u hiechyd corfforol wedi gwella'n sylweddol o ganlyniad i'r cysylltiadau a'r perthnasoedd a wnaed, a'r arferion celfyddydol therapiwtig a ddysgwyd, trwy'r prosiect. Adroddodd rhai eu bod yn teimlo'n llai unig ac yn llai ynysig. Yn arbennig, pwysleisiodd gofalwyr di-dâl yr effaith gadarnhaol y mae'r prosiect wedi'i chael ar eu bywydau, mewn cyd-destun lle mae cefnogaeth arall yn fach neu ddim yn bodoli.
Twf personol
Mae'r prosiect wedi darparu cyfleoedd i gyfranogwyr ac artistiaid dyfu a chael eu herio a'u hymestyn o fewn amgylchedd diogel a maethlon.
Dynameg cymunedol (ymgysylltu, cyfranogiad a chysylltiad cymdeithasol)
Mae perthnasoedd rhwng cyfranogwr, artist a hwyluso wedi bod yn sylfaenol i'r prosiect, ond mae'r rhain hefyd wedi darparu sail ar gyfer gwell perthnasoedd gyda theulu agos, ffrindiau, cymdogion a'r gymuned ehangach, gyda llawer o gyfranogwyr yn cynyddu eu rhwydweithiau a'u gweithgareddau cymdeithasol y tu hwnt i ffiniau'r prosiect a PSU.
Rôl ymdrechion creadigol
Mae cyfranogwyr wedi dysgu sgiliau creadigol y mae nhw wedi gallu eu defnyddio i gefnogi eu lles y tu allan i sesiynau eu hunain, gan helpu gyda hyder a synnwyr o hunan-werth ac ystyr.
Datblygiad proffesiynol artistiaid
Mae CHDS wedi creu cyfleoedd ar gyfer profiadau newydd, myfyrio a dysgu ar gyfer artistiaid a datblygiad proffesiynol.
.jpg)
